Башкортостанысь Премьер-министрлэн нырысетӥ воштӥсез Татышлы ёросэ вуылӥз

Со социальной объектъёсты тупатонэн герӟаськем ужъёсты учкиз. Выль Татышлы школаын чаклам ужъёслэн 91 процентэз быдэстэмын. Азьпалан буяськонъёсты йылпумъяно, пожарной сигнализация, видеонаблюдение пуктоно, юрт котырез тупатоно. Татысь СДК-ын но ужъёс ӟеч азинско. Та вакытэ лулчеберетъя центрез выль оборудованиен тырмытон бордын тыршо. Урал Тагирович ёрос центрысь выль объектъёсын но тодматскиз. Отын, кылсярысь, «Формирование комфортной городской среды» программа улсын шаермес утисьёслы мемориал лэсьто. Матысь дыре отчы брусчатка тырон борды кутскозы. Вылысь Татышлыысь библиотекаын «Библиотека нового поколения» проект быдэстӥськиз. Туала куронъёсъя тупатэм юрт трос лыдӟиськисьёсты бордаз кыскоз.