Чакара фестивалез выльысь Татарстанысь Кукмор ёросын пумитазы

Бигер музъем фольклор коллективъёслэсь «Чакара» фестивальзэс выльысь пумитаз. Со аръёс ӵоже Камсьӧрысь удмуртъёслэн огазеяськонзылэн кичӧлтэмез улсын ортче. «Фестиваль быдэс Россиысь удмурт калыкез огазея. Татчы шаермылэн пӧртэм регионъёсысь коллективъёс шумпотыса пырисько», - вера огазеяськонэн кивалтӥсь Ф. А. Чибышева. «Чакара» фестивалез Кукмор ёрос кыкетӥ ползэ пумитаз, нырысьсэ со татын 2018-тӥ арын ортчиз. Туэ отчы Башкортостанысь, Пермь шаерысь но трос коллективъёс пыриськизы. Нош егитъёс нимысьтыз форумын но ужазы, кырӟаны-эктыны быгатэмзэс но возьматӥзы. «Фестивалез «Ми кизим» композициен усьтӥзы.