Аръёссэ вордскем шаерез понна ӟеч ужъёс лэсьтонлы сӥзиз

Соос арлыдо песянайлы Россилэн президентэзлэсь ӟечкылан кылъёссэ вуттӥзы, Суккулово гурт поселенилэн администрациезлэсь тау карон гожтэтсэ сётӥзы.

Арлыдыз шоры учкытэк, Е. Н. Макарова номырлы уг ӝожтӥськы, лыктӥсь-пырисьёсты капчи мылкыдын пумита. Ож аръёсы но со бере адӟем секытлыкъёсыз сярысь со кема мадьыны быгатэ.

Быдӟым Атыкай ож кутскыку Ефросинья Николаевналы 12 арес вылэм. Эшъёсынызы шудон интые, со дырысь пичиос ужаны потӥллям. Е. Макарова нырысь колхозын ужам, собере нылкышноосын, арлыдо песятайёсын ӵош Туймазы ёросысь Нижнетроицкое вӧзысь нюлэскын кор корам. Сеяльщица луыса но со тыршем. Огкылын вераса, Ефросинья Николаевналэн ужтэк пукем дырыз но луымтэ, аръёссэ со вордскем шаерез понна ӟеч ужъёс лэсьтонлы сӥзем. Секыт минутъёсаз солы кырӟан, крезьгур юрттӥллям. Кема аръёс ӵоже Ефросинья Николаевна гуртысьтызы «Тодэ ваён» удмурт фольклор ансамбле пыриськем угось. Кырӟам, балалайкаен шудэм. «Туж секыт вакытын улӥм. Сиён, дӥськут ӧй вал, секыт ужез ужаны кужым кулэ. Нош ӝыт милемлы война сярысь вунэтыны юртто вал кырӟанъёсмы», - вера Е. Макарова. Олег Михайлович но Анастасия Николаевна Ефросинья Николаевналы азьланяз ваньзэ ӟечсэ сӥзизы, тау кылъёссэс веразы: ёроссы, гуртсы ӟеч мед азинскоз шуыса, трос кужымзэ понэмез понна.