Анай сюлэм нылпиезлэсь вӧсьсэ шӧдэ

Шумпоты вылэм та вакытэ ваньмыз сярысь вунэтыса. Нош анай сюлэм викышъяса-викышъяса лушкемен бӧрдэ. Та дыре солэн мӧзмон но данъяськон мылкыдыз огазе пӧлэстӥськемын. Пичиез Есения нылыз тӥни сцена вылын бубыли сямен поръя, нош бадӟымез пиез нимысьтыз военной операциын тушмон пумитэ вамыштэ. «Улэп, таза мед луоз», - куриське анай ас понназ.

Чидантэм секыт луиз Ралия Милиаскаровна понна 2022-тӥ ар. Куарусён толэзе солэн Свердловск улосвылын улӥсь Елхан пиез частичной мобилизация улсын нимысьтыз военной операцие кошкиз. Ралия Милиаскаровна валаз ке но ӧжыт буйгатсконо шуыса, малпанъёсыныз со котьку пиез вӧзын луиз. Солэн уйез но нуналэз сураськизы, кожалод. Сюлэмыз чидантэм ӝуаз. Толсур толэзь кутсконын со тылӝуэ пыриз. Отысь потыса семьяеныз герӟаськытозь быдэс толэзь ортчиз. Анаезлы со Выль ар азьын жингыртӥз – Ралия Милиаскаровналэн улоназ со тужгес дуноез выль ар кузьым луиз. Пиез улэп, со - таза.

Пыр-почгес лыдӟыны быгатоды газетмылэн 29-тӥ номерысьтыз.