Журналистъёслы конференция ортчиз

Башкортостан Республикаысь правительстволэн премьер-министрез Андрей Назаров журналистъёслы вазиськыса вераз: «Регионысь СМИ-ос сярысь котьку малпаськом, соослы азинскыны луонлыкъёс кылдытонлы республикаын бадӟым саклык висъяське. Республикаын потӥсь изданиос зэмлык, калыкен, лыдӟисьёсын кусып вӧзён сярысь сюлмаськыса ужало, - вераз А. Г. Назаров. – Нимысьтыз военной операция кутскем дырысен журналистъёслы ужаны капчи ӧвӧл. Фейкъёс трос вӧлмо. Соин изданиос шонер ивор вуттӥсь контент бордын пыр-поч ужало. Башкортостанын военной журналистъёслы кун юрттэт возьматонъя ужъёс но нуисько».

Конференцие Россиысь Журналистъёслэн союзэнызы кивалтӥсь Владимир Соловьёв, РБК телеканаллэн (Москва) управляющий директорез Илья Доронов вуизы. В. Соловьёв военкоръёслы юрттэт возьматонъя Башкортостанын кылдытэм законэз мукет регионъёсы но пыртон пумысен вераз. Телерадиовещательёслэн йӧскалык ассоциациенызы кивалтӥсь Александр Широких конференцие пыриськисьёсын ВКС пыр герӟаськиз. Журналистика, та ӧрын ужасьёслэн тырмымтэзы, егитъёсты та удысэ кыскон сярысь ужпумъёсты ӝутӥз тележурналист, «Вести» передачаез нуись Эрнест Мацкявичус.

Ужрад журналистъёсты ӟечкыланэн йылпумъяськиз.