+24 °С
Зоръёслэн
Общество
8 Июля 2025, 18:16
Семьязэс гажаны но данъяны кыл сётӥзы
Семьяез гажаны но валаны нылпиез пичиысен дышетыны кулэ. Угось анай-атайзэ данъяны но соослы тау карыны быгатӥсь пинал азьпалан зэмос адями луыса будоз.
Семьязэс гажаны но данъяны кыл сётӥзы
Калтасы ёросысь Бадӟым Качак гуртысь культура юртын нылпиос понна Семьялэн, яратонлэн но чынлыклэн нуналэз улсын тунсыко ужрад ортчиз. Клубын ужась Ирина Тимирханова пиналъёслы семьялэсь кулэлыксэ, ӵошен улонлэсь чеберзэ но шунытсэ валэктӥз. Пӧртэм шудонъёс но конкурсъёс пыр ужрадэ пыриськись нылпиос семьялэн дунлыкъёсыныз тодматскизы. Со сяна, кагаз вылэ суредаса, котькудӥз аслаз семьяеныз тодматӥз.
Ужрад шулдыр но пайдаё пӧрмиз. Нылпиос азьпалан одно ик семьязэс гажаса но данъяса улыны кыл сётӥзы.
