+28 °С
Салкым
Общество
8 Июля 2025, 17:57
Калтасыын семьяосты данъязы
Туннэ, 8-тӥ пӧсьтолэзе, Калтасыын Семьялэн, яратонлэн но чынлыклэн нуналэзлы сӥзем концерт радъяськиз.
Калтасыын семьяосты данъязы
Ужрадын улон сюрестӥ кема аръёс ӵоже огӵошен вамыштӥсь, трос нылпиё но егит семьяосты данъязы. Люкаськем калыкез пумитаса но концерт программаез усьтыса Калтасы ёрос администрациен кивалтӥсьлэн нырысетӥ воштӥсез Ильнур Хатмуллин вераськиз. Со ваньзэсты но чебер праздникен ӟечкыласа семьялэсь кулэлыксэ пусйиз.
Праздник ужрадэ Бадӟым Качак гуртысь Рита Тимирбаевна но Владимир Минтимирович Ахметдиновъёс пыриськизы. Туэ соос 50 ар ӵошен улэмзэс пусйизы. Кузпалъёс, ньыль пиоссэс пыд йылазы султытъяса, туннэ нунокъёссылы шумпотыса уло.
Озьы ик концертэ Бадӟым Туганеевоысь Венера Галимяновна но Александр Геннадиевич Чужековъёс вуизы. Котьма ласянь учкымон кузпалъёс вить нылпи будэтӥзы. Данъяськымон, одӥгез пизы нимысьтыз военной операциын тушмонлы пумит нюръяське, асьмелэн шудо улонмы понна тырше.
