Выль книга потӥз

Книгаез тодмо удмурт тодосчиос Татьяна Миннияхметова но Ранус Садиков поттӥзы. Со «Каргурезьын югдо чияпу сяськаос» нимаське. Книга Бурай ёросысь Байшады гуртлэн кылдэмез дырысен 350 ар тырмонэзлы аспӧртэм кузьым луиз. Рафит Миннекузин та гуртын вордскыса будӥз, отын ик улӥз угось.

- Гожъясьёслэсь кигожтосъёссэс эскерыса, трос выльзэ тодыны луэ: соослэн творчествозы но литературной биографизы сярысь. Шумпотымон, Рафит Минлэн кылбуръёсыныз архивез утиськемын. Кылбуръёсыз одӥг блокнотэ, куинь тетраде но нимысьтыз тетрадь листъёсы гожтыса кельтэмын. Соос али Рафида Гибатова, кылбурчилэн дыдыез дорын, утисько. Кигожтосъёс пӧлысь уноез беловой автографъёс луо, ӧжытэз – черновикъёс, - гожтэ Ранус Садиков.

(Книга сярысь пыр-почгес лыдӟыны луоз газетмылэн матысь номеръёсысьтыз).