Мишкиноын патриотической фестиваль ортчиз

Ужрадэз Нимысьтыз военной операцие пыриськисьёслы но соослэн семьяоссылы юрттон ар улсын «Ассамблея народов России» огазеяськонлэн регионысь ёзэтэз, «Защитники Отечества» фондлэн республикаысь филиалэз, БР-ысь Культурая министерство но Мишкино ёрослэн администрациез радъязы. Фестивальын эмчиос, юристъёс ужазы. Соос нимысьтыз военной операцие пыриськисьёслы, ож лудын бырыны шедемъёслэн матысьёссылы юрттэт возьматӥзы, кылдэм юанъёссылы валэктонъёс сётӥзы. Ужрадэ пыриськисьёс «Помощь семьям наших героев», «СВОй бизнес», «СВОи новые возможности», «СВОй Женский бизнес» проектъёсын пыр-поч тодматскыны быгатӥзы. Соослы шулдыр мылкыд кузьмазы Сибайысь, Аскино, Илиш, Мишкино, Караидель, Кушнаренко ёросъёсысь артистъёс.   

Фото: Администрация Татышлинского района