"Инмар-атай куриськемъёсмес кабыл мед кароз"

Со сярысь Вуж Вараш школаын дышетскись Арсений Минигалиев вотэс бамаз тазьы гожтэ: «Бадӟым вӧсь ортчиз. Куазь кышкатӥз ке но, дэри ӧз люкеты калыклы Инмар-Кылчинлы куриськыны-йыбырттыны мыныны. Ньыль пурты ӝук пӧзьтӥзы, сизьым ыжпи вӧсязы. Инмар-атай куриськемъёсмес кабыл мед кароз ини.

Калыклы куронъёсты быдэсъямзы, вӧсьлы бадӟым саклык висъямзы понна туж бадӟым тау. Мае ке ӵошен кариськом, со котьку удалтэ. Котьку но тазьы ӵошен мед уломе.

Асьмеос Инмар-атаймес, Кылчин-атаймес вӧсь нуналъёсы гинэ тодэ-буре ум ваелэ, со котькуд нунал йырвизьын мед луоз. Мон тани ачим ӝыт изьыны выдон азьын куриськыса изисько, изьыса султыку куриськисько, сиськон азьын «Остэ» шуисько, огшоры дыръя но куриськисько…» 

Фото: Арсений Минигалиев