Бадӟым Туганеевоысь Какима Гильмиярова сю арессэ пусйиз

Кышномуртлэн улонэз капчи ӧз луы. Быдӟым Атыкай ож кутскем бере, Какима Шариповналэсь куинь вынзэ но атайзэ фронтэ келязы. Дас куать аресъем ныл анаеныз ӵош пиосмуртлэсь но ужъёссэ былэсъяно луиз. Кылсярысь, солы колхоз бусыосты валэн, ошен гырыны оскизы. Нош дас сизьым арес тырмыса, Какима Гильмияроваез Уфаысь военной заводэ лэзизы. Отын со 1947-тӥ арозь тыршиз.

Туннэ нуналэ Какима Шариповналэн ньыль нылпиез, тямыс внукъёсыз но дас куать правнукъёсыз.  Кышномуртэ улон вешаса ӧз возьы ке но, шумпотыны быгатон мылкыдзэ со ӧз ышты. Пересьмон аръёсаз Какима Гильмиярова ассэ шудоен лыдъя но нылпиосызлы тазалык сӥзьыса улэ.

Арлыдо кышномуртэ вордскем нуналэныз ӟечкыланы Тюльди гурт поселениен кивалтӥсь Вадим Пазугутов но Калтасы ёрос Кенешлэн депутатэз, «Калтасинская заря» газетлэн валтӥсь редакторез Надежда Сандалова вуизы. Соослэн кылъёссыя, арлыдоосты вунэтыны уг яра. Угось соос тыршизы асьмелэн шудо туала улонмы понна. Соос луэмен гинэ югыт дунне вылын чылкыт омырен шокаськом, эрико улӥськом.

Фото: газета «Калтасинская заря»