Ӵошен шудыса эшъяськон мылкыд пуроме

Культура удысын ужасьёс гужем но шутэтсконэз тодытэк тыршо. Угось соос азе бадӟым ужпум пуктэмын: нылпиослэн каникул нуналъёссы пайдаен мед ортчозы шуон понна, соослы одно ик ужрадъёс радъяно.

Янаул ёросысь Шудек гуртысь культура юртын пиналъёс бырыса уг уло. Культура юртын но библиотекаын ужасьёс соослы конкурсъёс, эстафетаос, пӧртэм шудонъёс,  велопрогулкаос дасяло. Кылсярысь, та нуналъёсы нылпиос «Мой веселый, звонкий мяч» спорт ужрадэ пыриськизы. Кык командалы люкиськыса, соос тупен эстафетаосты ортчизы.

Таӵе ужрадъёс нылпиосты огазеяло, шутэтскон вакытсэс пайдаен ортчытыны юртто.

Фото: Шудекский СДК