Вязовкаысь библиотекаын Лена Исламовалэн книгаезлы презентация радъязы

24-тӥ инвожое Татышлы ёросысь Вязовкаысь библиотекаын, культура юртын ужасьёс улосчимылэн книгаезлы презентация радъязы. Отчы Лена Хафизовналэн Вязовкаысь ӵыжы-выжыосыз, матысьёсыз, эшъёсыз пыриськизы.

«Нош аръёс ортчо…» - Лена Исламовалэн нырысетӥ книгаез. Отчы люкамын удмурт кылын гожтэм кылбуръёсыз, заметкаосыз, зарисовкаосыз, веросъёсыз, нылпиосын луэм серемес учыръёсыз, выжыкылэз, пьесаез, кудъёсыз пӧртэм аръёсы «Ошмес» газетын потылӥзы. Та нуналэ но Лена апай улонысьтыз трос серемес учыръёссэ тодаз ваиз. Со сяна, ужрадын Л. Исламовалы книга поттыны юрттэмез сярысь гуртоез, журналист Анна Байдуллина вераз. Нош вязовкаос кык арскын гуртсылэн черодысь юбилеяз улосчизылы эшшо одӥг книга поттыны сӥзизы.