Нылпиос сям-йылолъёсын матысьгес тодматско

Янаул ёросысь Вуж Вараш школаын дышетскись нылпиос гурт улонэ мылысь-кыдысь пырисько. Соосты крезьгур, котыр улосэз тазатон, оген улӥсь арлыдоослы юрттэт  возьматон но мукет ужрадъёсысь пумиталод.

Берло дыре нылпиос Вӧсез радъян уже но пыриськыны кутскизы. Кылсярысь, та нуналъёсы Вуж Вараш гурт поселениын улӥсь калык Бадӟым вӧсе дасяське. Азьвылгес гуртоос, ӵошен люкаськыса, Инмарлы вазиськон интыез жуг-жаглэсь, будэм турынлэсь утялтӥзы. Нош та нуналъёсы нылпиос гурт калыклэсь кеньыр но вӧй бичазы. Таӵе уже пыриськыса пиналъёс удмурт калыклэн сям-йылолъёсыныз матысьгес тодматско, солэсь лулчеберетсэ валаны но гажаны дышетско.

Фото: Арсений Минигалиев