Алтауын Гуртлэн нуналэз ортчиз

Шутэтскон ужрад  «Трезвое село-2024» проектлэн йылпумъянъёсызлы сӥземын вал. Угось туэ Алтау гурт программаын вормисьёс пӧлы шедиз. Таӵе бадӟым вормон доры гуртоос  огӵошен мынӥзы.

Гуртлэн нуналаз кивалтэтысь куноос но вуизы. Люкаськем калыкез пумитаса но ужрадэз усьтыса Бурай ёросысь Кенешлэн секретарез И.Ф. Камалов, ёрос Администрацилэн лулчеберетъя ёзэтэзлэн кивалтӥсез И.З. Харисов но Кузбаево гурт поселенилэн тӧроез Ф.Б. Закиров вераськизы.

Та нуналэ «Трезвое село-2024» проект бордын тужгес но тыршыса ужасьёсты данъян грамотаосын, тау карон гожтэтъёсын но синпель кузьымъёсын пусйизы.

Шулдыр но задор мылкыдъем пӧрмиз Гуртлэн нуналэз. «Инвожо» калык ансамбль люкаськем калыклы шулдыр кырӟан-эктонъёссэ кузьмаз. Озьы ик мылкыд карисьёс пӧртэм шудонъёсы пыриськыны быгатӥзы.

Шутэтскон ужрад ческыт пыжиськемъёсын чай юонэн йылпумъяськиз.

Фото: Виктор Марданов