Тыршись адямилэн кияз котькыӵе уж пӧрме

Дунне вылын кибашлы адямиос кӧня меда? Нош соослэн лэсьтэм ужъёссы? Лыдъяса но уд быдты, дыр. Усто киос мар гинэ уг пӧрмыто! Кибашлыос асьсэлэсь гинэ ӧвӧл, мукетъёслэсь но улонзэс чебергес каро, чеберлыкез, шулдырез адӟыны дышето. Кин ке но вуриське, керттӥське, пужыятэ, мукетыз оригамиен выре, папье-маше амалэн тунсыкъяське, суредаське, куинетӥез корзинаоскерттэ, кашпоос лэсьтэ, пуэн выре. Нош Татышлы ёросысь Вылысь Татышлыысь Юлия Хамидуллиналэн кияз та ужъёс огвыллем ӟеч пӧрмо.

Кибашлы кышномуртлэн азбарысеныз ик адске, со киужен вырыны яратэ шуыса. Шутэтскон интыез но кузё кышнолэн усто киосыныз лэсьтэмын:поддонъёсты, писпу вайёсты, лӥялъёты ужаз кутэм. Соос пуксён тупатыны но, клумбаос лэсьтыны но яраллям. «Пичи дырысен лэсьтӥськыны яратӥсько», – шуэ со. Та дыре Юлия апай мунёос лэсьтонэн «черламын».

(Быдэсак лыдӟе газетмылэн 24-тӥ номерысьтыз).