Мамадыын гурт вӧсь ортчиз

Инвожо толэзе тросаз удмурт гуртъёсын соос радъяськизы но радъясько. Кылсярысь, Бурай ёросысь Мамады гуртын вӧсь 15-тӥ инвожое ортчиз. Со сярысь гуртысь культорганизатор Лилия Атнафикова вотэс бамаз гожтэ: «15 июньын Мамады гуртамы ортчиз вӧсь. Возь вылын ӵукнаысен пурты котырын пиосмуртъёс бергазы. Соослы юрттӥськизы кышномуртъёс. Вӧсьын тямыс ыж вандизы. Ӝук пӧзем бере вӧсяськон кыре гурт калык кыстӥськыны кутскиз. Лыктэмын вал гуртэ анай-атайёссы доры бертэмъёс но. Кышномуртъёс тросэз удмурт калык дӥськутэн вуизы. «Кытчы гинэ дӥсялод сое, вӧсе но ке ӧд дӥся», - шуо мӧйы апай-кенакъёс.
Бадӟым тау гурт калыклы юрттэт сётэмзылы. Инмар Кылчинмы вазиськеммес мед кылоз. Тазалык, шуд но тату улон мед луоз!»

Фото: Мамадинский Сельский-Клуб