«Усточикар» лагерьын удмурт калыклэн сям-йылолъёсыз утисько

Отын камсьӧр удмуртъёслэн сям-йылолъёссылэн утиськемзы но ӟеч шӧдӥське. Сое «Солдат келян», «Выль кенак пылатон», «Сюан» ужрадъёс но яркыт возьмато. Та выллем йылолъёслы лагерьын арлы быдэ бадӟым саклык висъяське. Нош туэ пиналъёслы башкир удмуртъёслэсь пӧртэм шудонъёссэс, мадиськонъёссэс, исаськонъёссэс но дышето. Татысь фольклоръя ӧнерчи, БР-ысь культура удысысь сӥё-дано ужась Ирина Шайхлисламова оске, соос пӧлысь котькудӥз пиналъёслы азьланяз кулэ луозы шуыса. Уго туала вакытэ сям-йылолъёсты улӟытонлы но соосты азинтонлы бадӟым саклык висъяське.