+24 °С
Зоръёслэн
Общество
16 Июне 2025, 16:09
Спортъя юртлы Геннадий Зиятовлэсь нимзэ сётӥзы
Бадӟым Гондырын калыклы тазалыко улонэн эшъяськыны, спортэз азинтыны паськыт луонлыкъёс кылдытэмын.
Спортъя юртлы Геннадий Зиятовлэсь нимзэ сётӥзы
Татын пичиос школаысьтызы спортзалын, кылсярысь, волейболэн шудо. Нош бадӟымъёс гуртысьтызы Спортъя юртэ вамышто. Со туала куронъёсты чакласа тупатэмын. Спортъя юрт 1989-тӥ арысен ужа. Со Геннадий Зиятович Зиятовлэн тыршеменыз ӝутэмын. Геннадий Зиятович - Куеда муниципал округлэн дано адямиез. 1982-1990-тӥ аръёсы со «Горд Кужим» колхозэн кивалтэм. Сюлмысь тыршемез понна «Знак Почета» орденэн данъямын. 14-тӥ инвожое Геннадий Зиятович Зиятовлы мемориал пул усьтӥзы, солэсь нимзэ Спортъя юртлы сётӥзы.
