«ЭТНОлето» фестиваль трос калыкез огазеяз

«Асьмеос пӧртэм калыкъёслэсь дӥськутъёссэс, кырӟан-эктонъёссэс учкыны, соослэн шудонъёсынызы шудыны быгатӥмы, - гожтэ администрациенызы кивалтӥсь Флорид Бадртдинов вотэс бамаз. – Калык огазеяськонъёслэн азбаръёсазы трос калык кунояськиз»

«ЭТНОлето» фестиваль улсын пӧртэм площадкаос ужазы. Кылсярысь, «Этнолавка», «Этномастер», «Этносемья», «Этноигры», «Этнодеревня» но мукет. Соос пӧлысь котькудаз удмуртъёс но мыло-кыдо пыриськизы. «Ужрад нырысьсэ ортчиз, - азинтэ веранзэ ёрос адмнистрациен кивалтӥсь. - Озьы ке но со округысьтымы пӧртэм калыкъёсты – башкиръёсты, ӟучъёсты, бигеръёсты, чувашъёсты но удмуртъёсты – огазе люканы быгатӥз. Соос котькудзы анай кылзэс гажало но лулчеберетэнызы данъясько».