Суредаськись нылпиос "Усточикарын" сюлмысь тыршо

 Со шумпотэ, аръёс ортчыса, татчы берытскыны кылдӥз шуыса. Зэм, табере солэн шутэтскыны дырыз ӧвӧл – нылпиосын ужан трос кужымез кулэ каре угось. «Лагерьын суредаськыны яратӥсь нылпиос трос, - вера Екатерина Борисовна. – Соос азе бадӟым куронъёс уг пуктӥськы, сюлмысь мед тыршозы. Нылпиос котькуд суредзэс быгатыса лэсьто». Та нуналъёсы соос мультфильмысь геройёсты суредало, кагаз вылын инкуазь чеберез возьмато. Нылъёс висъетысьтызы одӥгзэ борддорзэ чебер адӟытонлы пӧрмытӥллям. Соос отчы котькуд быдэстэм ужзэс понӥллям. Син азям йӧтӥз борддорысь одӥгез чебер суред. Сое Янаул ёросысь Максим гуртысь Виктория Ворончихина суредам. «Янаулысь искусствоосъя нылпи школае ветлӥсько, - вера Виктория. – Туж кельше суредаськыны». Екатерина Борисовна суредаськисьёс сярысь трос шуныт  кылъёс вера. Соос гуашен, краскаен быгатыса ужало, карандашен но дыраз кутӥськыны быгато. «Азьланезлы малпанъёсмы трос, - вера ӧнерчи, - соосты ваньзэ быдэстыны быгатомы шуыса малпасько».