Тылпу 12 нылпилэсь улонзэс «ньылӥз»

Отын 117 адями кулӥз. Со пӧлысь 12-ез – нылпиос. Башкортостанысь кышкыт югдуръя кун комитетлэн тылпулэсь утиськонъя ёзэтэныз кивалтӥсьлэн Елена Зинатуллиналэн кылъёсызъя, праздник нуналъёсы пожаръёслэн лыдзы йылэ, соослэн кылдэм мугзы – тылэн чакласькытэк вырон, тамак кыскон.

Ведомствоен кивалтӥсь нюлэс тылпуос сярысь но вераз. Ар кутсконысен республикаын нюлэс тылпу 10 интыын ӝутскиз, кӧс турын 276 интыын кенжиз.

Тодады вайытӥськом:18-тӥ оштолэзьысен регионын  противопожарной режим ялэмын.

9-тӥ инвожое корка ӝуаз Вуж Балтачын: отын куинь нылпилэн улонэз чигиз. «Туннэ ёрос центрын кышкыт учыр луиз – тылпуын 16, 9 но 3 аресъем нылпиос кулӥзы, – гожтэ вотэс бамаз Балтаяч ёрос администрациен киавлтӥсь Ильгиз Субушев. – Соослэн атайзы та дыре СВО-ын. Тылпу ӝутскем пумысен эскерон ужъёс мыно».

Фото: