Татышлы ёросын кышкыт учыр луиз

«2010-тӥ арын вордӥськем пи улонэн люкиськиз, кыкетӥез – эмъюртын», - ТГ-каналаз гожтэ БР-ысь кунавтоинспекцилэн управлениеныз кивалтӥсь Владимир Севастьянов.  Со анай-атайёслы вазиське:

- нылпиостэс мотоциклэн яке мопедлэн руль сьӧраз пуксьыны эн лэзе. Соин ворттылон понна водительской удостоверение кулэ. Кышкыт учыре шедем пиослэн правозы луымтэ.  

- тазалык вылын коньдондэс эн шыръялэ. Руль сьӧры пуксён понна шлем кулэ. Зэм, со быронлэсь уз утьы. Озьы ке но кышкыт учыръёсын шлем куддыр юрттэ. Татышлы ёросысь пиос со сярысь малпаллямтэ.

- нылпиослэн тазалыксы но улонзы сярысь анай-атайлы сюлмаськоно. Эн вунэтэ: пиналдылэн правоез ӧвӧл ке, солы руль сьӧры пуксёно ӧвӧл.

Нылпилэн улонэз котьмалэсь дуно. Соин Татышлы ёросын луэм учыр пиналъёсты но, анай-атайёсты но кышкытлыклэсь утиськон сярысь мед малпаськытоз.