Калтасыын ас удысазы учкымон луись ужасьёсты данъязы

Тямысэтӥ инвожое Россиын социальной ужасьлэн нуналэз пусйиське. Та лыдпус улсын ёрос культура юртын улонын юрттэт кулэ луись адямиослы ӟечлык лэсьтӥсьёсты данъязы. Ужрадын Бадӟым Качак гуртысь Олеся Курбангалиевалэсь но тыршыса ужамзэ ёрос администрацилэн Данъян грамотаеныз пусйизы. Олеся Фидарисовна трос аръёс ӵоже оген кылем арлыдоослы юрттэт возьматыса ужа. Котькуд нунал сямен со Бадӟым Качакысь но Качкинтурайысь юрттэт кулэ карись арлыдоослы юрт котырзэс тазатыны, ву ворттыны, корказэс миськыны юрттэ. Егит кышномурт ужлэсь уг кышка, ваньзэ йылаз-пумаз вуттыса пыр-поч быдэстэ. Утёно арлыдоосыз но сое шумпотыса возьмало, юрттэт возьматӥсьсылэсь ужзэ ярато.

Фото: газета «Калтасинская заря»