+28 °С
Салкым
Общество
5 Июне 2025, 04:52
Нылпиоссылэн ӟеч иворъёссылы шумпотыса уло
Семья шуиськом ке, шудо кузпалъёс, соослэсь улонзэс яркытгес карись нылпиос син азе пуксё. Котькуд гуртын данъяськымон но егитъёслы адӟем карымон семьяос вань.
Нылпиоссылэн ӟеч иворъёссылы шумпотыса уло
Одӥгез сыӵе семья Янаул ёросысь Вуж Вараш гуртын улэ. Со - Ирина но Касимзян Милитдиновъёс. Соос чебер но юн семья кылдытыса, ӵошен ӝыны даурлэсь кема уло ни.
Кузпалъёсты Вуж Вараш музъем будэтӥз. Татын соослэн вунонтэм пичи дырзы но школаын дышетскон аръёссы ортчизы.
Бӧрысь Ирина Шайдияровна дышетсконзэ Кушнаренковоысь сельскохозяйственной техникумын азинтӥз. Дышетсконзэ йылпумъяса, со гуртаз берытскиз. Егит ӧнерчи луыса, гуртысьтызы хозяйствоязы ужаны интыяськиз. Татын со экономистын, зоотехникын тыршиз. Нош 1988-тӥ арын И. Милитдинова уж сюрессэ воштӥз. Со школае вамыштӥз. «Школаын нырысь пионервожатой луыса ужай. Собере животноводство, домоводство, музыка урокъёсты нуи, - ужан аръёссэ тодаз вайыса вера Ирина Шайдияровна. – Домоводство урокын нылпиосын пӧраны, пыжиськыны дышетским. Со понна нимысьтыз висъетмы но вань вал». Ирина Милитдиновалэн дышетэм нылпиосыз со сярысь умой вазисько. «Ирина Шайдияровна ӟеч дышетӥсь вал. Милемлы уно тодон-валан сётӥз. Нылпиосын со котьку огкыл шедьтылӥз», - тодазы вайыса верало соос.
Касимзян Хакимянович улон сюрессэ гурт удыслы сӥзиз. Пичиысен кыдаса будэм пияш, секыт ужъёслэсь ӧз палэнскы. Азяз пуктэм ужпумъёссэ быдэстыны тыршиз. К. Милитдиновлы пӧртэм ужъёсты оскизы.
(Быдэс материалэз лыдӟыны быгатоды газетлэн 4-тӥ инвожое потэм номерысьтыз).
