Зэмос артист луэмды потэ ке

Озьы ке, соослы та вакытэ, оло,  чылкак Щепкин нимо вылӥ театр училищеын дышетскон сярысь малпаськоно?   Удмурт Йӧскалык кун театр Щепкин нимо вылӥ театр училищеын дышетскыны мылкыд карись егитъёсты возьма. Экзаменъёс ортчозы туэ инвожое. Сое, дышетсконзэ йылпумъямез бере, Удмурт Йӧскалык театре драмая артист луыса уже кутозы.

Пырон экзаменъёс инвожо толэзь пумын Ижевскын ортчозы. Егитъёслы удмурт но ӟуч кылын басня, кылбур, прозаысь люкет, 2-3 кырӟан яке романс дасяно. Мукет куронъёсын татын тодматскыны луоз. Одно ик учкозы ӟуч кылъя но литературая огъя кун экзаменъёслэсь йылпумъянъёссэс.

Туспуктэм: Удмурт Элькунысь йӧскалык кун театр