+28 °С
Салкым
Общество
4 Июне 2025, 04:32
Янаулын "Турфест-2025" ортчиз
Янаул ёросын арлы быдэ «Турфест» ортче. Туэ со Быдӟым Вормонлы 80 ар тырмонлы но Шаермес утисьлэн арезлы сӥземын вал.
Янаулын "Турфест-2025" ортчиз
Отчы ёросысь школаосын дышетскисьёс пыриськизы.Фестивале 14 дышетскон юртысь 84 пинал вуиз. Соос пӧлын луизы Шудек, Вуж Вараш школаосын дышетскисьёс. Ӵошатскон кык люкетлэсь сылӥз: «Поисково-спасательные работы» но «Комбинированная пожарная эстафета». Нырысетӥяз покчиос пӧлын Шудекысь команда нырысетӥ интыын луиз, кыкетӥяз соос кыкетӥ интые потӥзы. Нош огъя лыдпусъёсты лыдэ басьтыса, шудекъёс нырысетӥ интыен бертӥзы.
