Нылпиос почта ёзэтэ вуылӥзы

Ермекей ёросысь Суккулово школаын 5-тӥ классын дышетскисьёс почта ёзэтэ экскурсие ветлӥзы, отын ужасьёслэн уженызы тодматскизы.  

15 ар ӵоже ни гуртысь почта ёзэтэн Алёна Никитина кивалтэ. Вить почтальонъёс В.И. Матвеева, К. А. Никитина, С. А. Матвеева, О. А. Шайхуллина, А. А. Никитина  газет-журналъёсты Купченей, Выль Сулли, Райманово, Елань-Чишма, Калииновка, Суккулово, Никитинка, Михайловка, Богородский, Князевка гуртъёсысь лыдӟисьёс доры дыраз вуттон сярысь сюлмасько. Соослы ужзэс быдэстыны зор-котъёс но, ӵушкась шунды сиос но, тӧлъёс, буранъёс но уг люкето. Гожтӥськон вакытэ соос котькуд юртэ пырыны тыршо.

Алёна Петровна нылпиослы почталэн ужез сярысь мадиз. Пиналъёс тодӥзы, почта кемалась кылдэмын ке но, адямилэн улоназ почта ёзэтъёс туннэ но валтӥсь инты басьто, почтаын пӧртэм услугаосын пайдаяськыны луэ шуыса. Россиысь регионъёсты басьтоно ке, Башкортостанын почта ёзэтъёс тужгес трос лыдъясько. Отчы пӧртэм мугъёсын нуналлы быдэ трос адями вазиське. Республикаысь 1240 почта ёзэтъёсын сизьым сюрслэсь ятыр адями тырше. Соос пӧлысь тросэз (80%) гуртъёсы интыяськемын.

Фото: МОБУ СОШ с. Суккулово МР Ермекеевский район РБ