+28 °С
Салкым
Общество
3 Июне 2025, 11:22
Газетмылэн эшезлэн книгаез потӥз
Шумпотымон ивор: та нуналъёсы типографиысь потӥз газетмылэн Татышлы ёросысь Уразгильдыысь эшезлэн Лена Исламовалэн «Нош аръёс ортчо…» бичетэз.
Отчы авторлэн удмурт кылын гожтэм кылбуръёсыз, заметкаосыз, зарисовкаосыз, веросъёсыз, нылпиосын луэм серемес учыръёсыз, выжыкылэз, пьесаез пыртэмын. Соос пӧлысь тросэныз газетмес лыдӟисьёс тодмо ни. «Мон понна гожъяськон – со пушкын тымиськыса кыллись малпанъёсты кыре поттон, шумпотонэным но, ӝож мылкыдын но лыдӟисьёсын люкиськон; малпанэз кылын гожтон, собере кылъёслэсь кыӵе ке пуштросэн кылбур, верос, заметка но мукет маке кылдытон; вераськытэк но тонэ мед кылозы шуыса тыршон», - гожтэ Лена Хафизовна.
Лыдӟисьёсмылэсь бичетсэ басьтыны мылкыд карисьёс газетмылэн редакцияз вазиськыны быгатозы.
