Нылпиослэн каникулзы тунсыко кутскиз

Лагерьлэн кыкетӥ нуналаз татысь пиналъёс паспорт басьтӥзы. Со понна соослы аспӧртэм квест ортчоно луиз. Пиналъёс ЗАГС-э вуылӥзы, туспуктӥсез утчазы, миграционной службае кожылӥзы, секталазэс но ӝуждалазэс мертазы. Котькуд станцие вуылэмзы бере нылпиосты паспортэн шумпоттӥзы.

Лагерьын котькуд нунал тунсыко ортче. Кылсярысь, пиналъёс «Здоровье – наша сила» плакат суредазы, котыр ласянь быгатонлыкъёссэс усьтӥзы, «Поиски сокровищ» квестэ пыриськизы но мукет.

Туэ Башкортостанын нылпиос понна 1899 лагерь ӧсъёссэ усьтоз. Отын огъя 500 сюрс пинал шутэтскоз. Со понна республика бюджетысь 3,3 млрд манет коньдон висъяськоз.