Янаул ёросын "Орловская зарница" ортчиз

Отын котькин аслэсьтыз шаплы но чидась луэмзэ, кужымзэ эскерыны быгатӥз. Кырын ортчем ужрадлэн нырысетӥ люкетэз эстафета вал. Нылъёс но пиос асьсэды зэмос солдатъёс выллем возизы: могӟетъёсын сюресэз ӝог но капчиен ортчизы, командаен ужаны быгатэмзэс возьматӥзы.

Ӵошатскемзы бере командаос ож аръёслы сӥзем кырӟанъёсты быдэстӥзы. Пиналъёс пӧлын гитараен шудӥсьёс яркыт висъяськизы. Школаын ужасьёслэн, дышетӥсьёслэн командазы но пиналъёслэсь бере ӧз кыльы.

Ужрадэз «солдат ӝук» йылпумъяз. Военной ӧрлы сӥзем поход зэмос праздниклы пӧрмиз, тазалыкез кыдатӥз, шаерез гажан мылкыд пыӵатӥз.

Фото: Школа с.Орловка