Вордскем шаерез гажаны пичиысен дышетоно

Со понна соос нимысьтыз огазеяськон но кылдытӥзы. Тыршемзы юнме ӧз луы, Башкортостан Республикалэн тӧроезлэсь грантсэ утӥзы. Кылем арын шуркынмон толэзе нылпи садын ужасьёс пиналъёсынызы ӵош бадӟым ужзы борды кутскизы. Грант улсын соос военной дӥськут но квадроциклъёс басьтӥзы.

Проект бадӟым ужрадэн йылпумъяськиз – ньыль нылпи садысь 200 пинал парадэ пыриськиз. Бадӟымъёсын ӵош пинал гусаръёс, морякъёс, кадетъёс, шаймуратовецъёс, пограничникъёс кырӟаса ортчизы. Учкисьёс зол кичабонъёсын пумитазы танкен, кораблен, БТР-ен, квадроциклэн, самолётэн но мукет со выллем техникаен пиналъёсты.