Улысь Балтачысь пограничникъёс акцие пыриськизы

Со тулыс но сӥзьыл радъяське: Библиотекалэн нуналаз но Тодон-валан нуналэ. Акция трос калыкез огазея. Со лыдӟиськон мылкыдэз ӝутон вылысь, адямиос библиотекаосы ӵемгес мед вуылозы шуыса радъяське.

«Бегущая книга» забег нырысьсэ 2017-тӥ арын ортчиз. Сое радъяны ӵектӥзы атомной предприятиос ужась городъёсысь библиотекарьёс. Бӧрысь та акцие мукет городъёс, гуртъёс итӥськизы.

Туэ акция Быдӟым Вормонлы 80 ар тырмонлы сӥземын вал. 28-тӥ куартолэзе акцие Улысь Балтач гуртысь пограничникъёс но пыриськизы. Соос ож аръёслы сӥзем книгаосты гуртысь нылпи садын ужасьёслы вуттӥзы, нош соос – врачебной амбулаториын ужасьёслы. Угось забеглэн маршрутэз озьы дасямын вал: гуртысь монумент – нылпи сад – врачебной амбулатория. Ужрадэз дасян сярысь библиотекарь Лира Кайранова сюлмаськиз.

Фото: Сельская-Библиотека Нижнебалтачево