Каникулъёс шулдыр мед ортчозы

Татышлы ёросысь Выль Татышлыысь полилингвальной нырысетӥ классэз йылпумъясьёс понна дышетӥсьсы Т. Д. Марданова классной час ортчытӥз. Со шутэтскон нуналъёс дыръя дорын, тэльын, ву дурын, сюрес вылын но мукет интыосын кышкытлыкъёслэсь утиськонлы сӥземын вал. Дышетӥсьсы пиналъёслы тылпулэсь утиськон, интернет вотэсын йыртэмасьёслэсь утиськон сярысь вераз. Нылпиос тодазы ваизы вуын пыласькон правилоосты, экстренной службаослэсь телефон номеръёссэс.

- Оскисько, туннэ вераськеммы юнме уз луы шуыса. Каникулъёсты тунсыко но пайдаё ортчозы. Эн вунэтэ – кышкытлыкъёслэсь утиськон понна котькуд адями кыл кутэ, - ужрадэз йылпумъяса пиналъёслы вераз Татьяна Дмитриевна.

Фото: МБОУ СОШ с. Новые Татышлы МР Татышлинский район