Шудекын «Шур вӧсь» ортчиз

Туэ но бадӟым ужрад трос калыкез огазеяз. Соосты ӟечкыласа Шудек гурт поселенилэн администрациеныз кивалтӥсь Сергей Байдуллин, «Победа» ООО-лэн подразделениеныз кивалтӥсь Алмаз Муллояров вераськизы. Собере ваньзы ӵошен – бадӟымъёс но, нылпиос но - Шады шурез но солэсь котырзэ тазатон борды басьтӥськизы. Отын жуг-жаг ӧжыт ӧй вал ке но, ужзы капчиен быдэстӥськиз. Собере, куриськем ӝук вуытозь, мылкыд карисьёс газет-журналъёсын, книгаосын тодматскизы. Озьыен, экологической акция но удмурт калыклэн йылолэз огазе пӧлэстӥськизы. Шур вӧсьын калыклы тазалык, тупаса улон  сӥзьыса куриськизы.