+28 °С
Салкым
Общество
24 куартолэзе 2025, 04:18
Янаул ёросын арган праздник ортчиз
Янаулын «Моңға бай гармун байрамы» праздник ортчиз. Отчы республикысь 21 ёросысь но вить городысь, Татарстанысь артистъёс пыриськизы.
Соосты пумитаса Янаул ёрос администрациен кивалтӥсь Салават Гильмиев вераськиз. «Шумпотыса пумитаськом тӥледыз бадӟым праздникамы, - шуиз со учкисьёслы но, конкурсэ пыриськисьёслы но вазиськыса. - Агран – паймымон крезьгуро инструмент. Со калыкез огазеяны быгатэ. Оскисько, таӵе праздникъёсмы бере арганэн шудӥсьёслэн лыдзы трослы йылоз».
Арган праздникын 18 ареслэсь пинал арганчиос пӧлын гран-при басьтӥз Казаньысь Камиль Багавиев. Нош бадӟымъёс пӧлын гран-прилэн кузёез луиз Мишкино ёросысь Юрий Иликаев.
Конкурсэ Татышлы ёросысь арганчиос но вуылӥзы. Соосты нырысетӥ степенё дипломен данъязы. Вераны кулэ, та нуналэ татысь арганчиос учкисьёсты курай гурен но шулдыртӥзы, крезь куараен но паймытӥзы. Крезен Выль Татышлыысь Марина Низамова но Елена Нуриахметова шудӥзы.
