Тазалыко улон сярысь кенешизы

Тазалык адямилэн улоназ бадӟым инты басьтэ. Соин сое пичиысен юнматоно, тросгес саклык висъяно, спортэн выроно.

Тазалыко улонлы сӥзем «Мы против наркотиков. Мы за здоровый образ жизни» акцие Пермь шаерысь Куеда ёросысь Гожанысь нылпи садэ ветлӥсь нылпиос но пыриськизы. Сое нылпи садын ужасьёсын ӵош клубен кивалтӥсь Людмила Шаяхметова радъяз. Соос нылпи садэ ветлӥсьёсын ӵош тазалыко улон, ӟеч сямъёс, семья куспын ог-огдэ валан сярысь вераськизы. Ужрадэз юнматыса нылпиос наркотикъёсын нюръяськонлы пумит сӥзем плакатъёс суредазы, тазалыко улонэн эшъяськыны ӧтизы.

Фото: Гожанский сельский клуб