+28 °С
Салкым
Общество
21 куартолэзе 2025, 15:19
Республикалэн тӧроез дышетскисьёсын пумиськылӥз
Чишмы ёросысь «Патриот» военно-патриотической парке республикаысь Благовар, Абзелил, Архангельск, Чишмы ёросъёсысь, Межгорьеысь 10-тӥ классын дышетскись пиос люкаськизы. Отын учебной сбор ортче. Туннэ отчы Башкортостанлэн тӧроез Радий Хабиров пыриськиз.
Республикалэн тӧроез дышетскисьёсын пумиськылӥз
«Парк Россилэн Героезлэсь Максим Серафимовлэсь нимзэ нуллэ. Со – зэмос воргорон. Нимысьтыз военной операциын эшъёсызлэсь улонзэс утьыса быриз. Кыкетӥ гудырикошконэ солы памятник усьтомы», - вераз Радий Хабиров.
Республикалэн тӧроез дышетскисьёс азьын пӧртэм ужпумъёс сярысь вераськиз. Со яратоно книгаосыныз но тодматӥз. Радий Фаритович пичи дыръяз Астафьевлэсь, Бондаревлэсь повестьёссэс но романъёссэс, Быдӟым Атыкай ож сярысь книгаосты лыдӟем. Нош али со Александр Македонский сярысь книга лыдӟе.
Туспуктэмез Олег Яровиковлэн.
