«Перемена перемен» проект вормисьёс пӧлын луиз

Отын Россилэн 81 регионысьтыз 1401 проект вормисе потӥз. Соосты быдэстыны 800 миллион манет коньдон висъяськоз. Конкурсэ трос регионъёс мыло-кыдо пыриськизы. Соос пӧлын Башкортостан Республика но висъяськиз – со азьмынӥсь вить регионъёс пӧлы шедиз.

Шумпотоно, конкурсэ удмурт школаосын дышетскись нылпиос но тпырисько шуыса. Туэ отын Янаул ёросысь Каймашабаш школаысь Дарина Петрова (дышетӥсез Ольга Давлетова) «Перемена перемен» проектэныз кужымзэ эскерыны малпаз. Солэсь ужзэ вылӥ дунъязы. Дышетскись вормисьёс пӧлы шедиз. Табере Каймашабаш школаын дышетскись пиналъёслэн переменаоссы тунсыко ортчозы.  Соос пӧртэм шудонъёсы пыриськозы, татын удмурт шудонъёсъя мастер-классъёс радъяськозы, семьяосын «Игробум» фестиваль луоз.