"Трезвое село" конкурсын вормисьёс тодмо луизы

Та вакытэ республикаын 51  сазь гуртъёс лыдъясько.   Туннэ соослэн  лыдзы 12-лы йылӥз – Башкортостанын «Трезвое село» конкурслэн йылпумъясь ужрадэз ортчиз. Шумпотоно, туэ отчы  удмурт гуртъёс но мыло-кыдо пыриськизы шуыса. Бурай ёросысь  Алтау но Татышлы ёросысь Бальзюга гуртъёс финалозь вуизы. Туннэ тодмо луиз: алтауос пичи гуртъёс пӧлын кыкетӥ интые потӥзы.

Туэ «Трезвое село» конкурсэз ортчытыны 48,4 млн коньдон висъяськиз. Отын вормисьёс, интызэс лыдэ басьтыса,  1,5-6 млн коньдон басьтозы. Финалэ потэм котькуд гуртэз 200 сюрс манет коньдонэн шумпоттӥзы.