Алтауысь кузпалъёсты Данъян грамотаен пусйизы

Соос пичи гуртъёс пӧлын кыкетӥ интыын луизы. Татын улӥсь калыкез, гуртысь потэмъёсты конкурс огазеяз, эшъяськытӥз. Соос вань ужрадъёсты ӵошен ортчытъяны тыршизы. Конкурсэз радъясьёс но удмурт гуртысь калыклэсь ужез гажамзэ, валче улыны быгатэмзэ, тазалыко улонэн эшъяськемзэ пусйизы.

Йылпумъясь ужрадын Алтау гуртлэн старостаезлы Айвар Ялаловлы но Кузбай гурт поселенилэн Кенешезлэн депутатэзлы Дуся Ялаловалы «Трезвое село» конкурсэз ортчытонэ мыло-кыдо пыриськемзы понна Башкортостан Республикаысь Ужбергатонъя но туризмъя министерстволэсь Данъян грамотазэ сётӥзы.  Таӵе данъетэз кузпалъёс Семьялэн калыккуспо нуналаз басьтӥзы.