Егитъёс понна "Вместе против коррупции" конкурс ялэмын

Со школаын дышетскисьёс, студентъёс понна радъяське. Сое Коррупциен нюръяськонъя кунъёс куспысь кенешен ӵош Россия Федерациысь Генеральной прокуратура ортчытэ.

Конкурсэ ужъёсты 1-тӥ майысен 1-тӥ октябрёзь кутозы. Соосты кык номинациосъя - социальной плакат но социальной видеоролик - дасяны луоз. Конкурсын вормисьёсты куинь категориосъя быръёзы: 10-15 аресъёс, 16-20 аресъёс но 21-25 аресъёс. Ужъёсты келяно конкурслэн официальной сайтаз: www.anticorruption.life/