«Трезвое село» конкурсын вормисьёс тодмо

12-тӥ мае Башкортостан Республикалэн тӧроез Радий Хабировлэн кивалтэмез улсын черодысь кенешон ортчиз. Отын «Трезвое село» республика конкурс сярысь но вераськизы. Кенешонэ Башкиръёслэн быдэсдунне курултайзылэн исполкоменыз кивалтӥсь Юлдаш Юсупов пыриськиз.

2019-тӥ арысен «Трезвое село» республика конкурсэ куинь сюрслэсь трос гуртъёс пыриськизы.  Та нуналъёсы 51 гурт поселение «Сазь гурт» нимез нуллэ.

2024-тӥ арын отчы пыриськыны 53 ёросысь 1029 гуртлэсь заявка вуиз. Соос жюрилы гуртсылэн азинсконэныз герӟаськем проектсэс возьматӥзы. Конкурсын кык удмурт гурт – Бурай ёросысь Алтау но Татышлы ёросысь Бальзюга – кужымзэс эскеризы.

- Конкурслэн республика этапез кылем арысь декабрь толэзьын кутскиз. Со туэ март толэзе йылпумъяськиз. Финалэ 53 гурт потӥз. Соос проектъёссэс Уфаын утизы ни, – вераз Юлдаш Юсупов.- Куатетӥ мае конкурсын 12 вормисьёс тодмо луизы. Соосты 15-тӥ мае «Башкортостан» кун концерт залын данъялозы.