Сюлмын но малпанъёсын - пыраклы

Тросаз гуртъёсын нимысьтыз военной операцие пыриськисьёслы, ож лудын бырыны шедем пиосты буре ваён пумиськонъёс но радъяськизы. Балтач ёросысь Кизганбаш гуртын 7-тӥ куартолэзе кык мемориал пул усьтӥзы: Айдар Апсаликовлэн улонэз Чечен Республикаын чигиз, Хакимьян Закирзянов СВО-ын бырыны шедиз.
Ужрадэ Балтач ёрос администрациен кивалтӥсь Ильгиз Субушев, Улысь Карыш гурт поселенилэн администрациеныз кивалтӥсь Ильяс Шаймухаметов, дышетӥсьёс, дышетскисьёс, шаермес утисьёслэн матысьёссы, эшъёссы пыриськизы.
Мемориал пулъёсты усьтӥзы Ильгиз Ахвасович, Айдарлэн атаез Тимирхан Синьдюкович но Хакимьянлэн агаез Ульдан Фаритович. Ужрадэ лыктэмъёслы И. Субушев тау кылъёссэ вераз. "Йыр вадьсамы чагыр инмы вань асьмелэн кышкасьтэм пиосмы - шаермес утисьёсмы - луэмысь, - вераз со. - Бадӟым тау соослы, туннэ шыпыт улэммы понна". Ёрос администрациен кивалтӥсь пиналъёслы, егитъёслы дано улосчиосмылэсь адӟем карыса, вордскем шаерез гажаны, матысьёсты яратыны, утьыны куриз. Уго шаермес утьыкузы улонзэс сётэм пиосмылэн нимъёссы сюлмын но малпанъёсын - пыраклы. Соослэн нимъёссы гуртлэн, ёросмылэн, странамылэн историяз весяклы гожтӥськемын.

Фото: АСП Нижнекарышевский сельсовет