Нылпиос гужем олимпи шудонын кужымзэс возьматӥзы

Башкортостанысь удмурт школаосын дышетскись пиналъёс пӧлын куартолэзе гужем олимпи шудонъёс ортчо. Кылем арысен отчы Пермь шаерысь Куеда ёросысь Бадӟым Гондыр школаын дышетскисьёс но пырисько.

Туэ соос олимпиадаез но асьсэлэн дышетскон юртазы пумитазы. Гужем олимпи шудонын Татышлы ёросысь Улысь Балтачысь но Выль Татышлыысь, Калтасы ёросысь Бадӟым Качакысь, Янаул ёросысь Вуж Варашысь но Шудекысь командаос кужымзэс эскерыны мылкыд каризы. Пиналъёс бызьылӥзы, кузьдалае тэтчазы, туп лэзьязы, волейболэн шудӥзы. Дышетскисьёслэсь вормонъёссэс лыдэ басьтыса, киысь кие выжись кубоклэн кузёосыз луизы кузёос – Бадӟым Гондыр школаын дышетскисьёс.

(Пыр-почгес лыдӟыны быгатоды газетмылэн вуоно номерысьтыз).