Шаермылэн сайкыт вуоноезлы оскон ноку медаз ышы

Быдӟым Атыкай ож трос калыкез курадӟытӥз, улонэн люкиз. Соин асьмеос арлы быдэ Вормон Нуналэз синкыли пыр шумпотыса пумитаськом. Валаськом, Быдӟым Атыкай ожын Вормон – со сайкыт инбам, шумпотыса уже вамыштон, анай кылын данъяськыса вераськон... Со понна бадӟым тау песяй-песятайёсмылы, ӵужай-ӵужатайёсмылы! Соос нылпиоссылы, внукъёссылы шудо улон кузьман понна улонзэс жалятэк тыршизы. Но берло аръёсы дунне выльысь пожаськиз: табере асьмелэн пиосмылы – мобилизованнойёслы, военнойёслы, доброволецъёслы но мукетъёслы – шаермес ож бусыын утёно луиз. Быдӟым Вормон Нуналэз но соос киязы ож-тӥрлыкен пумитало. Матысь дыре пиос дор палазы Вормонэн бертозы шуыса оскиськом. Жаляса верано, нимысьтыз военной операциын республикамы трос ожгарчизэ ыштӥз ни. Соослэн нимъёссы ноку уз вунэ, калыклэн сюлмаз но малпанъёсаз улозы.
Гажано эшъёс, сӥзиськом тӥледлы тазалык но ӟечлык. Дунне вылын мед кузёяськозы эшъяськон но ог-огдэ валан. Шаермылэн сайкыт вуоноезлы осконды ноку медаз ышы. Быдӟым Вормон Нуналэн!
Башкортостанысь удмуртъёслэн Национально-культурной центрзылэн Кенешез.