Пиосмуртлэсь коньдонзэ пӧяськисьёс талаллям

Со понна пӧртэм амалъёс малпамын ни. Та нуналъёсы 53 аресъем пиосмурт но пӧяськисьёслэсь кужымзэс шӧдӥз. Одӥгаз нуналэ солы Нефтекамскысен Янаулэ мыноно вал. Пиосмурт «Бла-бла» ТГ-канал пыр машина утчаны малпаз. Шумпотӥз, городэ мыныны сюресчи шедьтӥз шуыса. Та вакытэ чик ӧз малпа угось, сюресэз понна бадӟым коньдон тыроно луоз шуыса. Пиосмуртлы кыӵе ке ссылка келязы. Отчы выжемез бере со укмыс сюрс манет коньдонзэ ыштӥз. Йыртэмасьёс ужзэс азинтысалзы на, вылды, пӧяськон сюрессэс банкын ужасьёс ӧй пытсалзы ке.