+28 °С
Салкым
Общество
29 апрель 2025, 10:05
Ож вакытэ будэм нылпиослы коньдон висъяське
Быдӟым Вормонлы 80 ар тырмон улсын «Дети войны» статуссы луэмъёслы Башкортостанын кык сюрс манет тыр коньдон тыриськоз. Со сярысь указ улэ гожтӥськиз БР-лэн тӧроез Радий Хабиров.
Ож вакытэ будэм нылпиослы коньдон висъяське
Республикаысь правительстволэн премьер-министрезлэн нырысетӥ воштӥсезлэн Урал Кильсенбаевлэн кылъёсызъя, ож вакытэ будэмъёслэн лыдзы Башкириын 100 сюрслэсь ятыр.
- Регионэн висъям кык сюрс манет тыр коньдонэз 9-тӥ куартолэзёзь выжтозы, - вера Башкортостанысь семьяя, ужъя но калыкез улонын утёнъя министр Ленара Иванова.
Тодады вайытӥськом: «Дети войны» удостоверенилэн кузёоссы луо 1927-тӥ арысь 22-тӥ июне – 1945-тӥ арысь 3-тӥ сентябре вордӥськемъёс, Башкириын улӥсьёс.
Туспуктэм вылын: Янаул ёросысь Прогрессысь Настафия Камашевалэн но пичи дырыз ож аръёсы тупам.
