Габдулла Тукайлэсь кылбуръёссэ пӧртэм кылъёсын лыдӟизы

Отын тодмо кылбурчилэсь чуръёссэ ӟуч, башкир, бигер, англи, удмурт но мукет кылъёсын лыдӟизы. Пиналъёс но егитъёс нырысь конкурсэ онлайн амалэн пыриськизы, бӧрысь соосты республикамылэн шоркараз вазизы. Габдулла Тукайлэсь кылбуръёссэ удмурт кылын лыдӟыны конкурсэ Татышлы ёросысь Улысь Балтач школаысь Кристина Губаеваез, Дарина Кайрановаез,  Бадряш школаысь Альбина Галямшинаез, Янаул ёросысь Сандугач школаысь Глеб Гадиятовез ӧтизы. Конкурсысь Кристина Губаева но Дарина Кайранова  нырысетӥ степенё дипломен бертӥзы. Соосты Ю. Ш. Кайранова дасяз. Со сяна,конкурсэ  Татышлы ёросысь Выль Татышлы школаысь Анастасия Хатипова но вуылӥз. Со Габдулла Тукайлэсь кылбурзэ англи кылын лыдӟиз но нырысетӥ степенё дипломлэн кузёез луиз.