+28 °С
Облачно
Общество
26 Апреля 2025, 16:00
Ташкичиос республика конкурсэ пырисько
Илиш ёросысь Ташкичи гуртын кемалась дырысен пӧртэм калыкъёс эшъяськыса уло. Соин соослэн кырӟан-эктонъёссы но, сям-йылолъёссы но ог-огенызы сураськемын. Озьы ке но татысь удмуртъёс анай кылзэс, лулчеберетсэс утьыны тыршо.
Ташкичиос республика конкурсэ пырисько
Нош 2018-тӥ арын соос вӧсьсэс но улӟытыны быгатӥзы. Табере со арлы быдэ пӧсьтолэзьлэн кутсконаз ортче.
Ташкичиысь удмуртъёсты гуртысьтызы клубзы огазея. Татчы котькин шумпотыса лыктэ. Соос арлы быдэ клубазы «Вӧй келян» но мукет со выллем йылол праздникъёссэс ортчытыны тыршо. Та нуналъёсы Ташкичиын «КЛУБ оk XXI века» конкурс улсын Быдӟымнал праздник ортчиз. Отчы Калык творчествоя республика центрысь ӧнерчи Эльмира Ямлиханова, Илиш ёросысь культурно-досуговой центрен кивалтӥсь Рустем Ахмадиев, Базитамак гурт поселенилэн администрациеныз кивалтӥсь Ильфат Закиров пыриськизы. Ташкичиос удмурт калыкллэсь чебер кырӟан-эктонъёссэ но, узыр йылолзэ но возьматыны быгатӥзы.
